шар дун

Өдрийн мэнд, манай блогийн усншигч шар дунгийн талаар мэдээ нэм гэж зөвлөв.
Тийм учир энэ удаа шар дунгийн талаар сонирхоцгооё


Шар дунгийн орос нэр нь Ампуллярия.
Шар дунгууд нь давсгүй нуур, цөөрөмд байдаг ба аквариумд ихээр тэжээгддэг.
Хэмжээ нь янз янз байдаг 5-15см. Тэд уушигтай бөгөөд түүндээ агаар хуримтлуулаад буцаад аквариумныхаа ероол руу явдаг.

Аквариумд кальци дутагдсанаас болж хуяг нь хайлж байна

Агаар авч байна

Дөнгөж босож буй дунгууд

Ер нь хүмүүс асуудаг л да, Дун ер нь ямар хэрэгтэй юм бэ? гэж. Тэд их олон янз байдаг, бүгд өөр өөрийн гэсэн үүрэгтэй байдаг. Зарим нь усны мандал дээгүүр явж усны гадаргуунд үүсэх бохир иддэг бол зарим нь элсрүү шигдэн орч өт хорхой, бактери үүсгэхээс хамгаалдаг. Шар дун бол хайрга, шил цэвэрлэдэг.
Шар дунг эр эмийг нь ялгах жоохон бэрхшээлтэй байдаг. Тэд түрсээ шахахдаа эм нь уснаас гарч ургамал, чулуу, аквариумын хананд түрсээ шахдаг. Түрс арчилахад жоохон хэцүү байдаг ба, түрс ердөө хатаж болохгүй тийм учир чийгшүүлэгч хэрэглэж болно, аа мөн түрс нь усанд байж болохгүй, учир нь түрсийг загас идэх магадлалтай ба уушиг нь усаар дүүрч үхэх аюултай.
Хэрвээ аквариумд өвчин гарч эм хийх гэж байгаа бол дун, ургамалыг аквариумаас гаргана.
Дун нь аквариумд 23-29 градус байхад тохиромжтой.. Дунг бас pH хэмжигч болгож ашигладаг. pH ихэсвэл тэд аквариумын дээд хэсэгт удаан хугцаагаар байх болно эсвэл хөвөх болно.
Тэд сонсголын эрхтэнгүй, мөн нүдтэй ч тэд зөвхөн гэрэл л ялгаж чадна.
нийтэлсэн Золбоо

Загасны хоол....

  Та бидний хүлээдэг амьд хоол ч гарлаадаа Зиа энэ удаа та бүхэндээ ЗАГАСНЫ ХООЛ-ны тухай болон нэмэлт мэдээлэлүүдийг хүргэхээр шийдлээ. Загас тэжээхэд мэдээж хоол их үүрэг гүйцэтгэнээ. Байгалийн цөөрөмд загаснууд олон төрлийн хоолноос сонгож иддэг усраас аквариумд ч мөн адил загасыг төрөл бүрийн хоолоор хангах ёстой. Загасыг сайн хоолоор хангахаас гадна зөв хооллох хэрэгтэй. Хоол хэтэрвэл усны цэвэр байдал алдагдан, хүчилтөрөгчид нөлөөлж усны ёроолд илжирсэн хоол загаманд хортой аммиакийн хэмжээг ихэсгэдэг.

Улмаар загасны хоол боловсруулах эрхтэн ачааллаа дийлэхгүй болж загас өвчилж үхэхэд ч хүрдэг. Бага эсвэл чанаргүй хоол нь загас турах, өнгө үзэмжээ алдахад хүргэнэ. Бие гүйцсэн загас ургамал сайтай аквариумд хоолгүйгээр олон хонож чадна. Харин жараахай тогтмол сайн хооллож байж л эрүүл чийрэг өсдөг. Хоолыг жараахайнд зориулсан мөн томорсон загасанд зориулсан гэж хувааж болно. Жараахайг тогтмол бөгөөд их хэмжээгээр хооллох хэрэгтэй. Том загасыг 5 минутанд идээд дуусахаар хэмжээтэй хоолоор өдөрт 2 удаа тогтмол цагт хооллоно. Жараахайг болж өгвөл амьд хоолоор хооллох хэрэгтэй.
АМЬД ХООЛ ...
Инфузори - Жараахайнуудын анхны хоол болж өгдөг. 4-р сарын сүүл 5-р сарын эхээр нар сайн тусдаг тогтмол ус цөөрөмд "амьд тоос" бий болдог. Тэр нь 0,12-0,22 мм биетэй инфузори, коловратк, науплиус зэрэг бичил организмууд юм. Тэднийг маш нарийн шүүлтүүрээр шүүж дөнгөж сэлж эхэлсэн жараахайг хооллоно.
Шаахай - Шаахайг гаргаж авах олон арга байдагч доор арга хамгийн сайн нь юм. 3 литрийн шилний 2/3-ийг аквариумны эсвэл буцалгаж хөргөсөн усаар дүүргэнэ. Тэгээл гадилын хатаасан эсвэл шинэхэн хальсны 1/5-ийг хийнэ. 1 хоногийн дараа ус булингартана. Энэ нь тэжээлч орчин бий болжээ гэсэн үг. Шаахайтай цөөрөмнөөс ялзарсан ургамал аваад шилэн дотор хийж дулаан газар тавина. Үлдэгдэл уусмалаа асгах хэрэггүй. Харин дээрээс нь цэвэр ус хийж тавьна. Шаахай хэрэгтэй болмогц гадилын хальс хийгээд 3-5 хоногийн дараа хоол бэлэн болно. Гадилын оронд 3-4 дусал сүү хийж болно. Цаашдаа шаахайг гадилын хальсаар эсвэл 1-2 дусал сүүгээр хооллоод ус нэмнэ. Шаахайтай ус эвгүй үнэртэй байдаг. Бас бохир тул шууд аквариум руу хийвэл усыг булингартуулж жараахайг үхүүлэх учраас нимгэн цаас ашиглан цэвэрлэх хэрэгтэй. Цаасаа юүлүүр дээр тавиад уусмалыг шүүнэ. Тэгээд жараахай цугларсан газарт цаасаа усаар зайлах хэрэгтэй.
Артем /Аrtemia Salina/ - Улаанвтар өнгөтэй, 7-18 мм урттай 11 хос хөлтэй жижиг хавч юм. Загасанд тэжээллэг сайн хоол болохоос гадна түүний өндөг нь хуурай байдлаараа удаан хадлагалагдаж болдог бөгөөд гэрийн нөхцөлд төвөггүй амилуулж болно Авгалдай нь 0,5 мм-ээс бага хэмжээтэй учраас дөнгөж сэлж эхэлсэн жараахайнд сайн хоол болно
Нийтэл Золбоо

Улаан амтай тетра

Тетра красноносая - Pepitella georgiae


6 см хүртэл биетэй. Атуу нь атуухаасаа гэдсээрээ ялгагдана. Монголд нээх тийм элбэг биш. Тэсвэр сайтай, үзэмж бол маш тансаг, олуулаа байвал /20-40/ их сүртэй дэгжин харагдана. Шигүү ургамалтай GH 15-аас ихгүй рН 6,0-7,0 т 22-24 С усанд тэжээнэ. Үржүүлэхдээ 20-30л-ийн аквариумд 2 буюц түүнээс дээш бут, том навчит ургамал суулгаад GH 3-аас ихгүй рН 6,5-6,8 т 26-28 С ус хийж, аквариумаа өглөөний нар тусах газар байрлуулна. Хос загас төрцөө иддэггүй. Жараахайг хооллох арга нь бусад харацинуудтай адил. Тэжээвэл дангаар нь 1 аквариумд зүгээр. Сүүлний эрээн өнгө ямарч аквариум сонирхогчийг татдаг. Гуппи-тэй хольж тэжээвэл сүүлийг нь сэмлэх гээд байдаг гэдгийг анхаарах хэрэгтэй, хөдөлгөөнтэй загас. Одоогоор Монголд яг шахуулж гаршуулсан хүн бараг байхгүй байхаа. Энэ загасыг сонирхоод үзээрэй Аквараинчидаа ,,,

нийтэлсэн:Золоо

Бетта

 

Энэ загас үнэхээр их тэсвэр тэвчээр сайтай ямарч зүйлд үл дийлдэх эрэлхэг дайчин зан чанартай аквариумын загас тэжээгчдын баяр баясгалан болсон үзэсгэлэнт сайхан загас билээ. Бетта нь зүүн өмнөд азийн цагаан будаа тарийлдаг намгархаг усанд амьдардаг. Тайван дөлгөөн Бетта Имбеллис болон догшин дайчин Бетта Сплендэнс гэх хоёр өөр зан чанартай Бетта байдаг. Энэ загасыг өөр бас Сиамын зодоонч загасч гэж нэрлэдэг. Ягаад гэвэл Бетта Сплендэнсийн атуух нь бусад атуухтайгаа таардаггүй учир догшин хэрцгийгээр тулалддаг. Харин Бетта Имбеллис эсрэгээ энх тайвныг эрхэмлэдэг дөлгөөн тайван зан чанартай. Атууны сэлүүр богино байдаг бол атуух нь өвөрмөц далбагар сэлүүрээрээрээ ялгаатай. Өөр атуухтайгаа таарвал догшин ширүүн төлөвтэй болж гоёмсог урт далбаа сэлүүрээ дэлгэж догшин ширүүн байдлаа илтгэдэг. Атуухуудийг тус тусд нь байлгахгүй бол аквариумыг цуст дайны талбар болгож мэднэ. Бетта нь тоолж баршгүй олон өнгийн гоёмсог үзэмжтэй ба жирийн үед удаан тайван сэлдэг. Тэд бусад Лабиринт овгийн загаснуудтай адил агаар амандаа хуримтлуулж удаан амьсгалж чаддаг. Дахин дахин усны мандалруу гарч амьсгаа авдаг. Тэднийг жижиг шилэн сав уутанд хийж худалддаг ба энэ нь тэдний бусад загас шиг хүчил төрөгч ихээр дутагддаггүйтай холбоотой. Тэднийг хатаасан ялтсан хоолоор тэжээхэд тохиромжтой. Тэднийг өрөөний температурт жижиг шилэн саванд байлгаж болно гэж буруу бодож болохгүй. Бусад загас шиг л дулаан таатай аквариумд тэжээх нь илүү тохиромжтой. Хэрвээ жижиг шилэн саванд түр байлгаж байгаа нөхцөл усыг нь үе үе сольж байх хэрэгтэй.

Атуух нь усны мандал дээр хөөс бөөгнүүлж үүрээ засдаг. Зассан хөөсөн агаараар төлөө амьсгалуулах гэж тэр. Атуу нь зассан үүрэнд орсны дараа атуух нь шургуу өдөж атуугаа ороож түрсэлнэ. Түрсээ шахсаны дараа хоёулаа хамт атуухын барьсан үүрэнд түрсээ арчилдаг. 2 хоногийн дараа жараахай цухуйж ирэхэд атуу нь амандаа хийн цэвэрлэн халамжилдаг. Хөөсөн үүр хайлж удалгүй жараахайнууд сэлж эхэлдэг. Жараахайнуудыг Brine shrimp буюу артемийн өндөг амилуулж хооллох тохиромжтой. 5 сарын дараа гэхэд эр эм нь танигдаад хоорондоо дайтаад ирвэл гэрийнхээ онгорхой амсартай сав болгонд тусгаарлаж хийх хэрэг гарна. Бетта үржүүлэх тийм ч хэцүү ажил биш учир нь беттанууд жараахайгаа хайрлан хамгаалдаг.
нийтэлсэн Золбоо

Та урьд нь нисдэг загас үзэж байсан уу?

  Энэ загас зүгээр л усан дээр үсэрч байгаа биш харин өөрийн далавч шиг сэлүүрээр нисдэг авьястай юм байна. Энэ загас 400 метр хол нисэх ба 200 метр хүртэл өндөрт нисэж чаддаг юм байна.

Зиа ойрдоо нээх их мэдээлэл нэмж амжихгүй л байнаа. Зав жаахан муу байгаа тул та бүхнээсээ уучлал хүсье. Сонирхуулах зорилгоор нэгэн нисдэг загасны талаар товч оруулчияаа. Дараа та бүхэндээ загасны өвчний тухай бүх төрлийн мэдээлэл оруулж эмчлэх арга шинж тэмдэгийн талаар нь дэлгэрэнгүйг хүргэх болно.

Энэ загас өөрийн аеродинамик бие ба том сэрвээгээ ашиглан жаахан салхитай үед усан дээгүүр нисдэг буюу агаарт хөвдөг.

 

Нисдэг загас нь шувуу, өөр төрлийн нисдэг амьтад шиг нисдэггүй тэр зөвхөн агаарт хөвж чаддаг.
Тэр 70 км цаг хүртэл хурдалж чаддаг байна.

нийтэлсэн  Золбоо

Сонирхолтой баримтууд

Дэлхий дээрхи нийт загасны дөчин хувыг цэнгэг усны загас байдаг бол цэнгэг ус дэлхий дээрхи усны .01% ийг эзэлдэг. Загас нь одоо үед гэрийн тэжээвэр амьтан төдийгүй хамгийн өргөн тархсан хобби болсон. 

Загасыг Ази, Африк, Өмнөд болон төв Америк тивээс авчирч гэрийн тэжээвэр амьтан болгон худалдаалдаг. Загас нь нохой, муур гэх мэт амьтад шиг гэрсэг болдоггүй боловч тухайн орчиндоо байгалийн зөн совингоо даган дасан зохицдог. 

Загас 450 сая жилийн өмнө динозавруудаас өмнө амьдарч байсан. 

Дэлхий дээр ойролцолцоогоор  25.000 зүйлийн загасыг танигдаад байгаа бол 15,00 орчим загас огт танигдаагүй хэвээр байгаа. 

Загасны маш сайн үнэрлэж, харж бас сонсдог.

Сэлүүрээрээ жигүүр мэт сунгаж нисдэг 40 гаруй төрлийн загас байдаг бөгөөд 400 орчим метрийн өндөрт нисэх чадвартай нь тогтоогджээ.

Мөн Trigger, Ghostknife загас болон Делфин ухарч сэлж чаддаг.

Алиалагч загас, Илдэн сүүлт гэх мэт загас хүйсээ солих чадвартай. 

Мөн загас нь хөхтөн амьтан болон шувуудын адил стресст ордог. Энэ нь яг хүнтэй адил хуримтлуулсан инерги, бодисоо эрчимтэй дасгал хөдөлгөөн хийж гадагшлуулаагүй нөхцөлд үүсдэг.  Стрэссийн байдалд орсон загасны хөдөлгөөн удааширч хоол идэхээ больж өвчлөх нь ихэсдэг. Тийм болохоор загасаа аль болох хөдөлгөөнтэй байлгаж сэлэх орчинд нь анхаарах хэрэгтэй.

 

Цихлид овгийн загаснууд нь цэнгэг усны загаснууд дундаа хамгийн түрэмгий нь ба бусад төрлийн жижиг загасаар хооллох нь элбэг. Тэгэхээр цихлидийг өөрийн төрлийнхэнтэй нь тэжээх тохиромжтой. Мөн цихлидүүд нь дэлхий дээрх амьтад дунд хамгийн олон төрлөөр өнгө зүсээ хувилсан амьтан. Учир нь эмэгчин цихлидүүд өнгө төрх ялгалгүй үржилд ордог. 

Дэлхийн хамгийн жижиг цэнгэг усны загас бол Филлипин Гоби ба бие гүйцсэн үедээ ердөө л 8 мм хүрдэг аж.

 Харин хамгийн өсөлт ихтэй цэнгэг усны загас бол Плектомас буюу манайхны хөхдөг сом гэдэг загас ба 30 литрийн аквариуманд тэжээсэн ч гэсэн 30 см болдог гэнэ.
ниитэлсэн  Золбоо

Монгол банхарын стандарт ямар байх ёстой вэ?

1. За та бүхэнд энэ өдрийн мэнд хүргэе. Энэ удаагийн хэлэлцүүлэгээ бидний мэдэх монгол банхарын стандарт буюу гол шинжүүд нь ямар байх ёстой вэ, ямар нохойг жинхэнэ монгол банхар гэх вэ гэдэг талаар явуулахыг зорилоо. Сүүлийн үед хүмүүс дөрвөн нүдтэй сэгсгэрдүү үстэй нохойг хөдөөнөөс оруулж ирээд л энэ цэвэр монгол банхар, энэ цэвэр банхарын гөлөг байна гэх болжээ. Зарим нь түвд мастифаас үүсэлтэй нохойг бид банхар хэмээн нэрийддэг болохоос биш уг нохой нь монголынх биш гэцгээнэ. Түүнчлэн эртний нүүдлийн соёл иргэншилтэй бидний түүхэнд банхар нохойны тухай тодорхой үлдээсэн зураг, гар бичмэл, баримт төдийлөн байдаггүй аж. Одоогоор Оросууд монгол овчарка гэсэн нэр томьёо гаргаад монгол овчарканы стандарт ийм ийм байна, ийм ийм шинжийг бүрдүүлсэн нохойг монгол овчарка гэнэ гээд тодорхойлсон байгаа. Бид Орос ах нарын гаргасан тэрхүү стандартыг нь дагах уу эсвэл монголчууд бид өөрийн гэсэн энэхүү банхар нохойныхоо стандартыг өөрсдөө тогтоох уу.... 
2. Миний бодлоор дэлхийн талыг эзэлсэн хүчирхэг ард түмэнд мэдээж унаган нохой байсан байж таарна, чухам ямар нохой байсан одоо өнөө үед тэр нь ийм болж өөрчлөгдсөн гэдгээ тогтоох хэрэгтэй болов уу. Тэгээд уг нохойны гол шинж чанар нь ийм юмаа гэдэг стандартаа нарийн тогтоогоод батлах хэрэгтэй байна. Үүний дараа олон улсын нохойн бүртгэлд оруулахын төлөө ажиллах нь зүйтэй болов уу. Тэрнээс биш одоо өө энэ цэвэр, өө энэ эрлийз эсвэл энэ түвд банхар гэж хоорондоо ам булаацалдан ярих нь дэмий биз дээ. Ер нь бид түвд банхар гэж ярихаа болих хэрэгтэй, түвд мастиф гэж нэрлэгдсэн нохойг тэр нэрээр нь нэрлэж ярих хэрэгтэй байна. Банхар гэдэг нэр бидний монгол нохойны нэр шүү дээ. Уул нь манай Нохой Судлалын Холбоо болон түүний харьяа нохой үржүүлгийн газрууд энэ тал дээр нэгдсэн нэг байр суурь дээр тогтоод монгол банхарынхаа стандартыг тогтоох асуудлыг шийдэж өгвөл хүмүүсийн дундах эргэлзээтэй асуудлыг шийдэж, монгол гэсэн тодотголыг авч үлдэхэд их тус нэмэр болно доо. Дээрх асуудлыг нэг тийш нь шийдээд тогтоогоод өгвөл монголчууд бид чинь өөр улсын янз бүрийн сайн муу үүлдрийн нохдыг тэжээж үржүүлэхээсээ илүүтэй монгол гэсэн тодотголтой банхар нохойгоо өсгөн үржүүлж цаашлаад дэлхийн зах зээлд гаргах нь дамжиггүй гэж бодож байна. Ингээд та бүхэн монгол банхар маань ямар ямар шинж чанарыг агуулсан байх ёстой, за ийм нохойг жинхэнэ монгол банхар гэж болноо гэсэн санаа бодлоо илэрхийлнэ үү.

1. Нийтэлсэн:Золбоо